Eminem zgjedh dizajnin e Granitit

Legjenda e repit botëror, Eminem, ka zgjedhur dizajnin e realizuar nga Graniti, një djalë nga Kosova për albumin e tij të ri “The Eminem Show”.

Eminem ka kohë që kishte hapur një konkurs për dizajnin më të mirë për kopertinën e albumit të tij të ri, dhe Graniti ishte njëri prej konkurrentëve nga qindra mijëra sa morën pjesë.

Por, më shumë vota duket të ketë marrë pikërisht djali nga Kosova, Graniti, i cili realizoi një dizajn fantastik, transmeton Telegrafi.

“Faleminderit të gjithëve që dërguat punët tuaja në kontestin tonë. Ju votuat për Granitin dhe ai doli në krye. Urime shok”, u shpreh Eminem në faqen e tij zyrtare.

Kjo ndoshta është një ndër arritjet më të mëdha të ndonjë shqiptari në histori në sferën e shoubizit ndërkombëtar në aspektin e kreativitetit dhe në fushën e dizajnit. Bravo Granit!