Ky është një tregim trishtues i menaxherit Nicholas White, i cili para disa viteve kishte mbetur i ngujuar në ashensor për më shumë se 40 orë, shkruan New Yorker.
Gjatë një të premteje të vitit 1999, ai kishte punuar deri në orët e vona të mbrëmjes. Dhe në momentin që White ishte larguar nga zyra në katin e 43-të, me qëllim që të zbriste poshtë për të pirë një cigare, por rezultoi që ajo ishte pauza më e gjatë dhe më e trishtueshme për të.
Kur 34-vjeçari vendosi të kthehet në zyrë, ashensori ishte ndalur në mes kateve, dhe ai menjëherë kishte shtypur butonin e alarmit për ndihmë. Por fatkeqësisht askush nuk kishte shkuar ta shpëtojë edhe pse kishte cingëruar pa ndërprerë.
Në momentin kur kishte mbetur i ngujuar në ashensorë ora shënonte 11 i mbrëmjes, dhe nuk ishte i vetëdijshëm që atë po e pret një fundjavë e gjatë, pasi e tërë ndërtesa ishte pothuajse bosh. Dhe si rezultat i kësaj, ai qëndroi i mbyllur në ashensorë për dy ditë.
Dhe gjatë gjithë kësaj kohe, kamerat e sigurisë kishin regjistruar gjithë ngjarjen, e cila sigurisht se do ti shkaktonte panik edhe personave që nuk janë klaustrofobik.