Një vajzë e re në Shkodër është shpallur në kërkim pasi është larguar nga banesa e saj në drejtim të paditur. Mungesën e 18-vjeçares e ka denoncuar në polici babai i saj, i cili deklaroi para uniformave blu se nuk ka asnjë informacion se ku mund të jetë vajza e tij.
Sipas kallëzimit të bërë nga 40-vjeçari, vajza dyshohet se mund të trafikohet jashtë shtetit me qëllim për t’u shfrytëzuar si prostitutë, nga një 28-vjeçar me banim në po të njëjtin fshat.
Sipas 40-vjeçarit, i përfshirë në zhdukjen e të bijës me planin për ta kthyer në një prostitutë, është i riu me iniciale F.H, banues në fshatin Shtoj i Ri.
Pas denoncimit, policia nisi procedimin penal në gjendje të lirë për shtetasin F.H, 28 vjeç, banues në fshatin Shtoj i Ri.