Dasara do të shkojë të jetojë në Dubai

Mbesa e ish-kryeministrit Sali Berisha është 19 vjeç dhe deri më tani duket se bën jetën që do. Dasara Malltezi njihet si një vajzë rebele dhe me teka të çuditshme aq sa shpesh e kanë futur në telashe familjen Berisha me deklaratat e saj, por kjo nuk e ka penguar të jetë e përkëdhelura e tyre, madje ata e quajnë… supermbesa.

Nëse i hedhim një sy profilit në Facebook të Dasarës kuptojmë se ajo ka pasion udhëtimet dhe është vazhdimisht në lëvizje.

Sapo është kthyer nga Gjermania, ku deklaroi se do të shihte mundësinë për të fituar azil, por mesa duket ishte një shaka.

Ndërsa ditën e djeshme, po në profilin e saj, është shprehur se dëshira e saj e momentit është të jetojë në… Dubai. Miqtë e Dasarës i shkruajnë se ajo nuk e ka fare problem të realizojë këtë dëshirë, madje ata i thonë se… jeta paska qenë e gjitha për të.

Sigurisht që supermbesës i përkëdhelet sedra nga gjithë këto komplimente dhe ndoshta këto i kanë dhënë shtysë të ndërmarrë një tjetër udhëtim, pasi ajo në profilin e saj lajmëron këtë moment që po jeton. Komentuesit e “thumbojnë” duke i thënë se në dëshirën që ka për Dubain i ka ngjarë daja Zenit… Çfarë fati, të lindësh supermbesë!