Efektivi i FNSH-së Simon Gjeta, i cili humbi jetën në krye të detyrës shpallet ‘Dëshmor i Atdheut’. Statusi i është dhënë sot nga Komisioni Qendror i Statusit ‘Dëshmor i Atdheut’ pranë Ministrisë së Mbrojtjes.
Ndër të tjera KQSDA ka propozuar për të edhe Medaljen e Artë të Shqiponjës, propozim ky drejtuar Presidentit Bujar Nishani.
“Dëshmori i Atdheut” Simon Gjeta pritet të përcillet nesër me të gjitha nderimet. Homazhet në nder të tij do zhvillohen nesër në orën 11:00 në Akademinë e Sigurisë, në Sauk.