Prokuroria e qytetit të Milanos ka deklaruar të mbyllura hetimet e operacionit “Martesa”, i cili çoi në shkatërrimin e një celule islamiste italo-shqiptare e në arrestimin e disa personave me akuzën e propagandës së terrorizmit ndërkombëtar.
Pas përfundimit të hetimeve i hapet rrugë nisjes së proçesit gjyqësor ndaj 11 personave të akuzuar, 5 prej të cilëve janë në kërkim ndërkombëtar.
Me arrest në burg gjenden aktualisht Marianna Sergio motra e xhihadistes italiane e vetëquajtur Fatima, Maria Giulia Sergio; Arta Kacabuni, tezja e shqiptarit, luftëtar i xhihadit Aldo Kobuzi, e bashkëshort i Maria Giulia Sergio, Baki Coku daja i Aldo Kobuzit e vëllai i Arta Kacabunit.
Në arrest shtëpie gjëndet Sergio Sergio, babai i Marianës e Maria Giulias, e deri sa ndërroi jetë pak ditë më parë dhe nëna e tyre Assunta Buonfiglio.
5 personat në kërkim janë; italiania Maria Giulia Sergio, shqiptarët: Aldo Kobuzi dhe motra e tij Serjola, nëna e tyre Donika Coku, e nënshtetësja kanadeze Haik Bushra 30 vjeç, e cila kishte mundur të indoktrinonte online rreth 300 gra myslimane mes të cilave dhe motrat Sergio.
Të gjithë këta persona mendohet se gjënden në Siri si përkahës e luftëtar të Shtetit Islamik, ISIS.