Deputeti socialist, Erion Braçe është po kaq i ashpër me fermerët e Korçës sa edhe me opozitën. Me anë të një reagimi për protestat e mungesës së shitjes së mollëve, Braçe thotë se atyre nuk u ka kërkuar askush kupon tatimor, ndryshe nga se pretendojnë fermerët.
“Është gënjeshtër! Askush, inspektor tatimesh jo e jo, Nuk i kërkon bujqve të shesin domate e mollë me kasë fiskale! Ju gënjejnë! Grumbulluesit, atij i kërkohet faturë, bujkut jo, asnjëherë!! Grumbulluesit i kërkohet faturë sepse me të grumbulluesi duhet te rimbursojë bujkun me 20% të vlerës se mallit të blerë prej tij. Domethënë, kur një bujk a blegtor i shet grumbulluesit 1000 lekë mollë a qumësht, merr prej tij 1200 lekë. Ketë grumbulluesi duhet ta bëj me faturë!”
“Për këtë; Bujku as vendos e shet me kasë, as paguan taksë, thjesht merr paratë, 20% më shumë se vlera e mallit që shiti dhe faturën që lëshon grumbulluesi. Kaq! As kasë e as taksa. Gënjeshtra është e trashe. Edhe kur thonë se tregtarët prej saj i drejtohen mallrave të huaj, gënjejnë. Edhe atje me fature i marrin”, sqaron deputeti Braçe. /Dita/