Komisioni i Disiplinës në mbledhjen e tij të radhës, të mërkurën, ka marrë 15 vendime ndëshkimore për mungesë të “fairplay”it.
Midis tyre nuk kanë shpëtuar pa u ndëshkuar me gjoba për sjelljen e tifozërive të tyre klubet e Partizanit, Skënderbeut dhe Vllaznisë, gjatë ndeshjeve të javës së 8të të kampionatit.
Veçohet ajo e të kuqve, që gjobiten me 2 milionë lekë të vjetra. Me dy javë pezullim është ndëshkuar edhe Alban Hasani, që kryen detyrën e zv.trajnerit të Vllaznisë, për sjelljen e tij ndaj gjyqtarëve dhe zyrtarëve në ndeshjen ndaj Tiranës në Pukë.
Përshtypje bën edhe veprimi i patolerueshëm i futbollistit të ri të Teutës, Klejdi Hyka, i cili është aktivizuar me ekipin U19 dhe ka goditur me grusht lojtarin kundërshtar, për të cilin Disiplina ka dhënë vendimin e pezullimit të tij për 5 javë.
Nuk ka kampionat pa disipline.