Një shtetas u arrestua nga policia pasi ka tentuar të vrasë me automjetin e tij një 22-vjeçar.
Në pranga përfundoi Valentino Hajdhi, 39-vjeç, banues në Lukovë.
Ky shtetas, sipas policisë së Vlorë, ka goditur mbrëmjen e shkuar me automjetin e tij tip “Ford” pa targa shtetasin me iniciale V.K., 22-vjeç, banues po në këtë fshat.
Policia tha se i ri ka marrë plagë, por ndodhet jashtë rrezikut për jetën. Autori i ngjarjes do të përballet me veprën penale “Vrasje me paramendim, mbetur në tentativë”. /Dita/