Një person gjeti vdekjen në Shkodër, pasi motori me të cilin udhëtonte është përplasur me një automjet. Policia lokale bëri me dije se viktima është shtetasi Alesio Mhilli, 52-vjeç, banues në fshatin Vukaj.
Ai po udhëtonte me një motoçikletë në aksin rrugor Shkodër-Postribë, ndërsa është përplasur me një automjet tip ‘Ifa’ pa targa në vendin e quajtur Hoti i Ri Rrethina.
Policia sqaroi se mjeti ku u përplas viktima ishte i ndalur në rrugë. Pas ngjarjes, shtetasi Marjan Kunoraj, 34-vjeç, banues në fshatin Vukaj është larguar nga vendi i ngjarjes me mjetin e tij, por policia e ka arrestuar pak orë më vonë. /Dita/