Emaili kërcënues ndaj Tahirit ishin vetëm një shaka?

Emaili i dërguar për ministrin e Brendshëm Saimir Tahiri duket se është vetëm një shaka të rinjsh, por megjithatë për këtë po paguajnë; janë në qeli.

Dy të arrestuarit nga Kashari, Klodian M. dhe Valter M., janë shoqëruar dje nga policia pasi hetuesit kanë zbuluar IT-në nga e cila dërgoheshin të dhënat. Pas arrestimit, atyre u është sekuestruar një kompjuter portativ si dhe dy telefona celularë.

Megjithatë, pas hetimeve, ka rezultuar se të rinjtë nuk kanë asnjë lidhje me aktivitete terroriste. Për këtë arsye, ata do të ndiqen në gjendje të lirë. Sipas hetuesve, shtetasi Klodian M. ka thënë se kishte hapur një adresë e-maili, të cilën kohët e fundit e ka përdorur shtetasi Valter M., i cili i kishte ndryshuar edhe fjalëkalimin e hyrjes në këtë postë elektronike në platformën “gmail”.

“Nuk e di çfarë ka bërë pasi nuk hyj dot më në atë adresë, por çfarëdo të ketë dërguar, ka qenë shaka”, mësohet të ketë thënë pronari i adresës së e-mailit.

Emaili u dërgua një ditë pas sulmeve në Paris, çka krijoi jo pak panik. /Dita/