Sulmi në Paris, valë urrejtjeje dhe incidente të shumta ndaj xhamive në SHBA

Disa xhami janë dëmtuar dhe një numër i madh krimesh me bazë urrejtjen janë kryer në shumë shtete amerikane ndaj myslimanëve.

Këshilli mbi Marrëdhëniet Amerikano-Islame (CAIR), një organizatë e të drejtave civile, tha të hënën se kishte dokumentuar së fundmi “vandalizëm, kërcënime dhe urrejtje [incidente]” në Massachusetts, Florida, Teksas, Kentucky, Virginia, Nebraska, Tennessee, Ohio dhe Nju Jork.

Vala e incidente nisi kur të paktën 27 guvernatorë, 26 prej të cilëve nga krahu i djathtë republikanë dhe vetëm një demokrat, deklaruan se do të bllokojnë hyrjen e refugjatëve sirianë, pas sulmeve vdekjeprurëse në Paris të premten mbrëma.

Në një incident në Omaha të shtetit të Nebraskës, ishte pikturuar me spraj në një xhami kulla Eifel e Parisit.

Ndërkohë në Teksas, kur besimtarët shkuan për lutjet e mëngjesit, gjetën një Kuran të grisur në dyert e xhamisë.

Qendra Islamike në Florida, mori kërcënime me zë vetëm disa orë pas lajmit të sulmeve të Paris. Sipas CAIR, një xhami tjetër në Florida, vendndodhja e të cilës nuk është bërë publike, ka marrë kërcënime të ngjashme. Një telefonues u zotua për “bombë” xhamisë.

Në Portland, Oregon, protestuesit u mblodhën jashtë një lokali dhe përqeshën besimtarët kur ata mbërritën për lutje. Ata i quajtën anëtarët e komunitetit Ahmedia (komunitet brenda Islamit) si “frikacakë”, dhe se ata do të “shkojnë në ferr”.

Të martën, një shofer Uber në Charlotte, të Karolinës së Veriut tha se u godit me grushte dhe u kërcënua me vdekje nga një pasagjer i cili e etiketoi shoferin si mysliman. /Dita/