Në kërkim nusja e Indrit Fortuzit, shiti 4 bileta udhëtimi false

Është shpallur në kërkim nga policia pasi i ka shitur 4 bileta false, për në Gjermani, një të riu nga Tirana. Junida Fortuzi i ka shitur biletat në zyrat e agjencisë së saj turistike “Just Travel”, e cila ndodhet në Hotel Tirana.

Nga katër biletat e falsifikuara që i ka shitur qytetarit XH.C., Junida Fortuzi ka përfituar 1200 euro. Këto janë fotot e biletave falso që janë shitur në emër të agjencisë “Just Travel”.

I riu XH.C., në një lidhje telefonike për Report TV tregon mënyrën si është mashtruar nga Junida Fortuzi. Sipas tij, pasi i ka dhënë leket dhe ka kuptuar që biletat ishin falco aksionerja e agjencisë “Just Travel” nuk i është përgjigjur as në telefon ndërsa zyrën e ka patur të mbyllur.

Gjithashtu nga një vëzhgim i faqes online të agjencisë turistike “Just Travel”, dallohet se që prej vitit 2014 nuk është bërë asnjë ofertë për udhëtime.