Arrestohet personi i fundit i shpallur në kërkim për grabitjen e katër pikave të karburantit në Elbasan.
Specialistët për Krimet e Rënda në Drejtorinë Vendore të Policisë Elbasan, si rezultat i një pune intensive dhe të mirëorganizuar, gjatë ditës së djeshme, në bashkëpunim me Policinë Kufitare Morinë, bënë kapjen dhe ndalimin e shtetasit në kërkim Endrit Goga 19 vjeç, banues në Cërrik.
Sipas policisë, “ky shtetas më datë 13.10.2015, ka vjedhur me dhunë, karburantin në Fshatin Trojas – Belsh, në pronësi të shtetasit L.P, kryer në bashkëpunim me dy shtetasit e arrestuar më parë Ligjërim Qosja dhe Analdo Balashi.
Materialet i’u kaluan Prokurorisë së Rrethit Gjyqësor Elbasan për veprime të mëtejshme për veprën penale “Vjedhja me dhunë, kryer në bashkëpunim”.