Përveç në sallën e seancave plenare, deputetët e opozitës lëshuan gaz lotsjellës edhe në mbledhjen e Kryesisë së Kuvendit të Kosovës.
Mbledhja u thirr nga kryeparlamentari Kadri Veseli, por nënkryetarja Parlamentit nga radhët e Vetëvendosjes Aida Dërguti ka lëshuar gaz edhe në këtë mbledhje.
“Kuvendi i Kosovës, përkatësisht shumica, në pamundësi për të bërë presion në Qeverinë për të tërhequr marrëveshjet, po bën presion në Opozitën për të marrë pjesë në seancat e Kuvendit”, ka thënë Dërguti.
Më pas, të pranishmit u larguan nga salla, por mbledhja po vazhdon në një ambient tjetër të improvizuar. Aty ndodhen të gjithë deputetët e partive në pushtet, por jo ata të partive opozitare. /Dita/