Poezia e “Vrimës” në rrjet, Maçoku i Zi kërkon çmim…

Dhënia e çmimit “Lumo Skëndo” librit me poezi të Rita Petros, ka tërhequr edhe vëmendjen e portalit satirik “Maçoku i Zi”. Ja si e ka trajtuar Maçoku në faqen e vet FB këtë ngjarje, duke treguar një herësh një barcoletë për të cilën kërkon edhe vetë një çmim:

“Libri me poezi i titulluar “Vrima”, u shpall si më i miri i vitit nga kryeministri dhe ministrja e Kulturës. Nuk është lojë fjalësh, titulli nënkupton atë që ju mistreca keni në mend. Por meqë unë s’e them dot, po stër-tregoj një barcaletë që të paktën e merr mundimin të bëjë lojë fjalësh. Mbase kap noj çmim:

Një usta i vjetër, shajakpunues, mesa duket për çështje procesesh të zanatit i kishte mbetur epiteti Usta Qimja. Si për inat, qenushit të vogël që mbante në dyqan, ky ja kishte vu emrin Vrima. Mirëpo Vrima ishte zevzek, dhe sa herë kalonin gratë e lagjes para dyqanit, ky u turrej. Gratë bërtisnin: “Usta Qimja, o usta Qimja, eja shpejt se po na ha Vrima…”

Tani dua çmimin! Shpejt!!!!”

Kjo nuk quhet Maçok, çmimi ishte për poezi dhe jo prozë…