I pari që pati njoftuar për vizitën e tij në shtëpi, ishte vëllai i vogël i familjes Xhaka, Graniti. Mediat kosovare, disa ditë më parë zbuluan faktin se kapiteni i Borussia Monchengladbach, kishte mbërritur në Kosovë, aty ku kishte nisur të shijojë pushimet dimërore të akorduara nga skuadra e tij.
Në ndihmë të mediave kosovare, ka qenë vetë Xhaka që ka postuar një foto ku qëndron bashkë me disa prej familjarëve të tij në njërën nga kafenetë e Prishtinës.
Vetëm një ditë më vonë familjes iu bashkua edhe djali i madh, teksa edhe Taulanti, duke përfituar nga leja e akorduar prej ekipit të tij Basel, në këtë pauzë të kampionatit zviceran, udhëtoi drejt Prishtinës.
Ditë festive dhe momente qetësie nga aktivitetet futbollistike për dy vëllezërit, të cilët po i shijojnë maksimalisht në shoqërinë e familjarëve dhe miqëve, sikurse dhe duke qenë pjesë e eventeve artistike.
Por Prishtina dhe Kosova në tërësi nuk ishin destinacioni i vetëm i vëllezëve Xhaka. Këta të fundit sapo kanë njoftuar publikisht vizitën e tyre më të fundit në Shqipëri, teksa janë shfaqur në qendër të Tiranës, raporton Telesport.
Pushimet dhe udhëtimet e vëllezërve Xhaka do të vijojnë edhe për pak ditë, deri në rikthimin e tyre me ekipet respektive, në Gjermani dhe Zvicër.
E Granit c’kemi ?