Liga Arabe në bllok kundër Iranit: Ndërhyn në punët e brendshme të shteteve

Liga Araba ka dalë në bllok kundër qëndrimeve të Iranit, duke theksuar se ky shtet ndërhyn në çështjet e brendshme të vendeve të tjera.

Ministrat e Jashtëm të vendeve anëtare të Ligës u mblodhën mbrëmë vonë Kajro të Egjiptit për të diskutuar rreth kësaj çështjeje.

Ministrat kanë akuzuar Iranin e udhëhequr nga shiitët, për mosrespektim të marrëveshjeve ndërkombëtare dhe për dështim të qëllimshëm për mbrojtjen e përfaqësive diplomatike të Arabisë Saudite në Teheran.

Vendi i vetëm që i ka kundërshtuar këto kritika ishte Libani, që ka popullatë shumicë shiite. Megjithatë, në kumtesën e publikuar pas takimit, Liga Arabe nuk ka përmendur ndonjë masë ndëshkuese kundër Iranit. /Dita/