Një kazino u grabit mbrëmjen e sotme në rrugën ” Medar Shtylla” në afërsi të lulishtes “1 Maji”.
Dy shtetas të maskuar kanë vjedhur një sasi lekësh (xhiron ditore) nën kërcënimin e armës së zjarrit.
Menjëherë pas ngjarjes janë njoftuar edhe ekspertët e policisë, të cilët kanë mbërritur menjëherë në vendngjarje dhe po punojnë për kapjen e personave.
Në disa kryqëzime, policia ka ngritur pika kontrolli policor si dhe po bëhet këqyrja e kamerave për identifikimin dhe kapjen e autorëve.