Çmimet e karburantit në vend kanë shënuar një tjetër ulje ditët e fundit, e dyta në pak javë.
Në pikat e tregtimit me pakicë të operatorëve të mëdhenj, Kastrati dhe Eida, një litër naftë shitet me 157 lekë, nga 161-162 që ishte më parë. Benzina tregtohet me 158 lekë për litër.
Në operatorin tjetër të madh të tregtimit, Gega Oil, nafta ka zbritur në 150 lekë për litër.
Pikat e vogla të tregtimit e kishin ulur më parë në këto nivele, ndërsa disa prej tyre e kanë zbritur edhe më tej, duke e çuar në nivelet e 150 lekëve për litër.
Alpet, që ka hyrë së fundmi si markë më vetë (pas daljes nga tregu të Tea Construction & Petrol) dhe Gulf vijojnë të shesin karburantin mbi 160 lekë për litër.
Në gjysmën e parë të vitit të kaluar, nafta arriti në gati 180 lekë, duke reflektuar shtrenjtimin në tregjet ndërkombëtare dhe rritjen e taksës së qarkullimit me 10 lekë për litër. Në gusht 2015, nafta shënoi për herë të parë rënie, me 10 lekë për litër dhe në fillim të nëntorit u reduktua sërish me 6-7 lekë për litër. Në janar të këtij vit zbriti dy herë, me rreth 11 lekë për litër gjithsej.
Rënia e çmimeve në tregjet ndërkomëtare, ku nafta po tregtohet rreth 30 dollarëve për fuçi, në nivelet më të ulëta të 12 viteve të fundit, është arsyeja kryesore e kësaj lëvizjeje të fundit.
Megjithatë ritmet e rënies janë më të ulëta se në shtetet e tjera, duke bërë që Shqipëria të ngjitet në vendin e 14 në botë për nga shtrenjtësia e karburantit, dhe më e shtrenjta në rajon, sipas një renditjeje të Global Petrol Price, të përditësuar në 11 janar të këtij viti.
Ndërsa në renditjen e 5 janarit, Shqipëria-sipas Monitor- ishte e 19-a më e shtrenjtë në botë. Vendi ynë ka çmime të ngjashme me Danimarkën, Zvicrën, Monakon, Suedinë, që kanë standard jetese shumë më të larta sesa ne.
Operatorët pohojnë se shkak për këtë është barra e lartë e taksave, që llogaritet në 67% të kostos. Shumëfishimi i tarifave të licencimit dhe rilicencimit të pikave të karburantit, nga dhjetori i vitit të kaluar, është një tjetër arsye që ka ndikuar në mos uljen e çmimeve.
Cfare ka rene cmimi ore,cfare po thoni? Pa shikoni nje here sa ka rene ne vendet e tjera rreth nesh apo ne Europe.Ne Maqedoni 42.5 dinare=960 lek,ne Greqi,France dhe Gjermani 1 euro=1380 lek,ne Shqiperi 1580 lek per liter.
Nuk jane vetem taksat qe e mbajne kete cmim.E analizoi Erion Brace cmimin para nje muaji ze per ze qe nga cmimi ne dogane nga cisterna e deri ne pompe ku i shtohen taksat.I binte qe ne shitjen me pakice ne pompe fitohej 260-280 lek per liter ne nje kohe qe kudo jashte kufijve te ketij shteti te qelbur fitohet maksimumi 4-6 cent (50-80 lek)per liter.
Rreth 200 lek per liter eshte fitimi abuziv qe rrjep nga xhepat tane te varfer trusti monopolist i Cetit,Eldes dhe Gulfit sepse cdo kryeminister i rradhes qe e lejon kete gjendje merr miliona euro nga keta maskarenj te naftes.Ne mos qofte aksioner ne fitimet e tyre marramendese.