Një shtetas u arrestuan nga policia e Vlorës pasi akuzohen për vrasje në rrethana të tjera cilësuese të mbetur në tentativë.
Në pranga përfundoi Ilir Shakaj, 31-vjeç, banues në Vlorë. Sipas policisë, ky shtetas mbrëmjen e shkuar në lagjen “Lef Sallata”, për motive të dobëta, ka tentuar të vrasë me armë gjahu, shtetasit: A.N. 47 vjeç (pronar i një dyqani kopje-çelësash) dhe R.K. 22 vjeç.
Ata kanë pësuar dëmtime të lehta (të pjesshme) në trup dhe ndodhen në Spitalin Rajonal, jashtë rrezikut për jetën.
Policia ka sekuestruar në cilësinë e provës materiale, disa pjesë përbërëse të fishekëve të mbetura nga arma e gjahut. /Dita/