Për të gjithë ata që nuk kuptojnë gjuhë tjetër veç shqipes, në komunën Arcade të Trevisos në Itali, mund të shohin në tabelat rrugore edhe gjuhën e tyre mëmë.
Në fakt, kjo vlen më tepër për hajdutët, pasi kryetari i komunës prej 4 mijë banorësh ka marrë një iniciativë të re për të gjithë ata që tentojnë të vjedhin.
Ata paralajmërohen nëpërmjet kësaj tabele se “Zona është e vëzhguar me telekamera”.
Paralajmërimi në tabelë shfaqet në 5 gjuhë të huaja, anglisht, frëngjisht, rumanisht, shqip dhe arabisht.
Megjithëse është e shkruar me disa gabime drejtshkrimore “Zona i vëzhguart nga telekamera”, shqiptarët arrijnë ta kuptojnë se për çfarë bëhet fjalë.