Dy shtetas përfunduan në pranga teksa kishin vjedhur një automjet. Policia i ndoqi ata, duke i arrestuar në flagrancë.
Në pranga përfunduan Emarildo Basha, 21-vjeç dhe Genci Dosti, 36-vjeç, banues në Ksamil.
Gjatë orëve të natës së shkuar, këta shtetas në bashkëpunim me njëri-tjetrin kanë vjedhur një automjet tipMercedes-Benz, në pronësi të shtetasit A.L, të cilin (i dëmtuari) e kishte lënë të parkuar përpara banesës.
Shërbimet e Policisë gjatë ndjekjes së autorëve, kanë bërë të mundur që mëngjesin e sotëm, në hyrje të Ksamilit, të bllokojnë mjetin e vjedhur si dhe kapjen në flagrancë të autorëve.
Gjithashtu, gjatë kontrollit që është ushtruar në banesën e shtetasit: Emarildo Basha, janë gjetur dhe sekuestruar 137 fishekë-automatiku model 56, -një armë gjahu Çifte pa leje bashkë me 10 fishekë. Materiale të cilat ishin në disponimin e 2 shtetasve të mësipërm. /Dita/
