Ish-kreu i shërbimit sekret, Fatos Klosi, komenton largimin e LSI-së nga qeveria dhe rikthimin e saj te e majta. Sipas Klosit, i cili ka folur në një intervistë për “Panoramën”, rrëzimi i Berishës nga pushteti e përligj aleancën Rama-Meta.
“Për mua krijimi i një koalicioni të tillë është një zhvillim normal dhe pozitiv në rast se ai ka për qëllim atë që thonë dhe krijuesit e kësaj aleance: largimin e Sali Berishës nga qeveria. Nuk do më pëlqente të futesha në detaje për sa i përket mënyrës se si mund të funksionojë ky koalicion dhe për problematikën që do e shoqërojë. Por dua të them se arritja e qëllimit final të largimit të Berishës, justifikon të gjitha ato elemente, të cilat mund t’i mbanin të ndara këto dy parti të së majtës shqiptare”, shprehet Klosi.