“Urojini mirëseardhjen një epoke të re”. Kështu shkruan në faqen e vet në “Facebook”, revista “Playboy”, e cila shfaq kopertinën e numrit të parë që i thotë lamtumirë nudos frontale. Në kopertinë, Jones ka shfaqur yllin e mediave sociale, Sarah McDaniel, në një foto që duket një mesazh në ‘Snapchat’, ndërsa “20 pyetjet e muajit” janë për yllin “Broad City”: kulti i ri “show” për 20-vjeçarët që do të shfaqet në “Comedy Central”.
Modelja është e famshme për vështrimin e veçantë: sytë janë me dy ngjyra të ndryshme dhe ndoshta është për këtë që ueb-i është çmendur. Por në kopertinë nuk ka më nudo: Sarah është me të brendshme.
“Është një revistë seksi, por që mund ta marrësh me vete edhe në punë”, – shpjeguar përgjegjësi Cory Jones, duke prezantuar për CNN revistën e muajit mars, që edhe pse ka disa sekuenca nudo, janë të përmbajtura.
Objektivi i “Playboy”-t, është të arrijë një brez të ri lexuesish në një epokë ku nudoja integrale dhe pornografia janë falas vetëm falë një klikimi në internet.
