Një sasi prej 10 kg drogës u sekuestrua nga policia e Shkodrës. Lënda narkotike u kap në fshatin Hot në vendin e quajtur Gropat e Rërës.
Lënda narkotike është gjetur e braktisur. Droga e futur në një thes ishte e ndarë në 10 pako të mbështjella me qese të tejdukshme.
Pas peshimit rezultoi të jetë në peshën 10 kg e 569 gramë, e cila u sekuestrua në cilësinë e provës materiale.
Shërbimet Policore po punojnë për identifikimin dhe kapjen e autorëve posedues. Ende nuk dihet pse autorët e kanë braktisur lëndën narkotike. /Dita/
