Gjykata e Apelit nuk e ka ndryshuar masën e sigurisë për ish-oficerin e Shërbimit Informativ Shtetëror, Florian Bushi.
Avokati mbrojtës, vëllai i të arrestuarit, çoi çështjen në Apel, me pretendimin se Prokuroria nuk ka prova të mjaftueshme që faktojnë akuzat ndaj Bushit.
Oficeri i SHISH i kishte dërguar të dhëna konfidenciale shtetasit Ilir Memushaj, i cili akuzohet se vrau një shtetas dhe plagosi dy të tjerë në Fier gjatë muajit janar.
Viktima është shtetasi Denis Kasa. Prokuroria dyshon se krimi është kryer për trafikun e drogës. /Dita/