Policia Kufitare Shqiptare ka bllokuar një skaf të ngjashëm me skafin e bllokuar nga Policia Italiane.
Policia e shtetit, Policia Kufitare dhe Delta Force po zhvillojnë operacione të koordinuara me homologët italianë, ndërsa po shkëmbehet informacion në kohë reale dhe po verifikohen mjetet që qarkullojnë në të dy brigjet.
Si rezultat i këtij aktiviteti nga GdF dhe policia italiane u identifikua një mjet me dy shtetas shqiptarë në bord që përpiqej të largohej për në thellësi.
Ky mjet nuk ishte i regjistruar në regjistrin e palës shqiptare.
Gjithashtu gjatë operacionit të përbashkët , nga Policia Kufitare e Vlorës dhe ajo e qarkut në brigjet e Vlorës, nga kontrollet e zhvilluara u identifikua një mjet me dokumenta të parregullta i cili u bllokua.
Gjithashtu, po vijonjë kontrollet nga Policia Kufitare Durrës, Vlorë, Sarandë, e në të gjithë hapësirën detare si dhe në vendbazimet e mjeteve lundruese.