“Pas mesazhit të Kerry-t, Rama vepron në drejtim të kundërt”

Për Partinë Demokratike, kryeministri Edi Rama po vepron kundër mesazhit të sekretarit amerikan të Jashtëm, John Kerry.

Deputeti Eduard Halimi tha se Rama po mbron të inkriminuarit, duke e ilustruar këtë me deputetin Koço Kokëdhima për të cilin opozita ka depozituar një kërkesë në Gjykatën Kushtetuese për heqjen e mandatit të tij.

“Edi Rama po përdor çdo mjet për të v​onuar drejtësinë për njeriun e tij Kokëdhima, i kapur me 150 shkelje të Kushtetutës, me 150 pagesa të paligjshme financiare të parave publike për biznesin e tij. Ja pra se si e mendon drejtësinë Edi Rama, ja çfarë drejtësie kërkon ai. Kjo është dëshmia e mbrojtjes që ai i jep vjedhjes e abuzimit kur këtë e bëjnë njerëzit e tij”, tha Halimi.

Sipas tij, rasti i Kokëdhimës është shembulli i kapjes së shtetit nga oligarkët. “Ky është rasti që në frymën e prioriteteve që ka vendi për luftën ndaj korrupsionit dhe reformimit të drejtësisë, në frymën e mesazhit të theksuar dje nga Sekretari Kerri, Gjykata Kushtetuese të tregojë pavarësi nga kryeministri e të hapë rrugën e drejtësisë”, shtoi ai. /Dita/