Gjykata e Shkallës së Parë në Alessandria, Itali, e ka dënuar me 13 vjet e 4 muaj burg shqiptarin Haziz Polisi, 55 vjeç.
Ai akuzohet për vrasjen e patriotit të tij 47-vjeçar Sabri Alijara. Ngjarja ka ndodhur mbrëmjen e 2 gushtit të një viti më parë në afërsi të një “Bingo”.
Sipas hetimit tw Prokurorisw ngjarja ndodhi pas sherrit për paratë e bingos, që shkaktoi një sherr të ashpër mes dy shqiptarëve me banim në Itali. Për pasojë, njëri prej tyre mbeti i vdekur, pas dërgimit në spital.
Mësohet se autori i krimit, pasi e kishte qëlluar me thikë bashkëkombasin, kishte shkuar në shtëpi për të fjetur, në momentin kur policia vajti për ta arrestuar. Avokati mbrojtës i shqiptarit, Piero Monti tha se do të apelojë vendimin gjithmonë duke pretenduar se ai e ka qëlluar viktimën në kushtet e vetëmbrojtjes.