“U lodhëm, po humbja besimin dhe durimin, kur më në fund ndodhi”

Në intervistën e saj për emisionin “Dritare”, motra e Alda Canajt, Ornela, ka rrëfyer si e ka gjetur vrasësin e motrës dhe nënës, Marjan Rrokun, në Amerikë.

“Vizitova Amerikën disa herë dhe kontaktova me një avokat që më ndihmoi të bëja dokumentet.  Më  ndihmoi një shoku im që në Shqipëri të lidhesha me marshallët.  Dyshoja që Marjani mund të ishte në Amerikë me idenë se ai mund të fshihej aty pasi ishte një vend i madh. Duke qenë se ai thoshte se punonte për një kompani amerikane atëherë dyshova se mund të ishte vendi që ai të fshihej aty”.

Sa vjet u deshën për ta gjetur?

Shumë vite. U përpoqëm shumë, u lodhëm po humbisnim besimin dhe durimin kur më në fund ndodhi.

I kishe dhënë fjalën vetes që do e gjeje njeriun që të vrau motrën dhe nënën dhe do çoje para drejtësisë.

Ishte qëllimi i jetës sime. Nëna ime dhe motra ime janë përgojuar në shtyp, kanë qenë engjëj dhe nuk e meritonin që të vriteshin në mënyrë barbare sidomos nga një person që i kishte torturuar me muaj të tëra. Doja të sillja drejtësi dhe t’i lija të preheshin  paqe. Të gjeja personin që i vrau dhe që ai të merrte atë që meritonte dhe ta kalonte jetën në burg.

Ai u kap, u dënua, njerëzit që e kapën të sollën prangat. Tani historia ka mbaruar. Çfarë të bëri që të shpërthesh? Intervista?

Nuk është hera e parë që shikoj veprime manipuluese të Marjan Rrokut. Në çdo dalje, në çdo gjykatë kja qenë një histori e ndryshme, një veprim që ka pasur në prapaskenë. Kur dëgjova intervistën, pashë që ishte për pendimin e Marjanit. Nuk e besoj që ai është një njeri i penduar. Nëse do ishte  i tillë  pse nuk dërgoi një letër por mori spolighte mbi vete. Fillova të shoh në mediat sociale dhe pashë shumë njerëz që thonin se kërkoi falje dhe duhej te amnistohej.