Talebanët… s’di pse m’u kujtuan shqupistët!

Për gjendjen e sotme,
në Afganistan,
s’mund të injorohet,
fronti taleban!

Dhe ata për paqe,
në bisedë u ftuan,
por ftesën në çast,
ata refuzuan!

Në biseda pjesë,
s’marrin talebanët,
nëse në tryezë,
janë amerikanët!

Mund të sosej lufta,
që ka tridhjetë vjet,
por gjithnjë do bëhet,
ndonjë gjë sebep!

Sot një pikë lidhje,
tek unë ata janë,
sepse këtu kemi,
talebanët tanë!

Në Shtëpinë Qendrore,
ata janë sot,
dhe mendjen e vrasin,
vetëm për bojkot!

Dhe bojkoti është,
një mjet politik,
por PD e luan,
shpesh këtë muzikë!

Në këtë “muzikë”,
ata kanë talent,
dhe gjithnjë Saliun,
ekstra dirigjent!

Je gjithmonë në hall,
kur përbën pakicën,
dhe do në presion,
ti ta mbash shumicën!

Kur vota ke pak,
s’bën dot gjë helbete,
ndaj do vrasësh mendjen,
të gjesh marifete!

Meqë në Kuvend,
nuk besoj t’ia dalin,
do bëjnë bojkot,
për Koçon dhe Valin!

Nëse do të futen,
në të tillë bojkot,
them se as Reformën,
s’do votojnë dot!

Ky është tamam shkaku,
ta kuptosh s’do mend,
duan të mos jenë,
ca kohë në Kuvend!

Ata janë të gatshëm,
t’i djegin mandatet,
deri sa Reformës,
t’i digjen afatet!

“Djegia” e reformës,
nga ajo shtëpi,
është shërbimi i fundit,
për shokun Sali!

Kollaj nga shumica,
zgjidhjet s’mund të dalin,
veç të bëjë kurbane,
Koçon edhe Valin!

Drejt në Kushtetuese,
t’i çojë që të dy,
po kjo gjë të ndodhi,
nuk bën shumë vaki!

Po dhe në u bëftë,
seancë gjyqësore,
do gjejë sebep tjetër,
Shtëpia Qendrore!

Skenari i saja,
lehtësisht kuptohet,
që akti i Reformës,
thjeshtë të sabotohet!

Në dorë të shumicës,
ta lënë pataten,
që prapë bisedimet,
me BE-në mos hapen!

Këtë refuzim,
shtëpia buzë Lanës,
do ta faturojë,
si dështim të Ramës!

Ndaj gjuhën e helmit,
në gojë dot s’e mban,
se për Shqipërinë,
PD hiç s’e çan!