Një pishë e vjetër është thyer duke shkatërruar disa automjete dhe duke bllokuar segmentin rrugor që lidh rrugën “Fortuzi” me bulevardin “Zogu I”.
Në orët e vona të mbrëmjes pema, disa metra e lartë, u rrëzua duke marrë me vete edhe pemë më të vogla përpara.
Ajo ra përpara selisë së Partisë Social Demokrate. Policia e rendit dhe ajo Bashkiake bën menjëherë rrethimin e zonës.
Pema ka dëmtuar lehtë edhe një punonjës të bashkisë. Ndërsa disa automjete të parkuara në rrugë u dëmtuan gjithashtu.
