Një 18-vjeçar i ka dhënë fund jetës duke u vetëvarur në Elbasan. Ngjarja ka ndodhur dy ditë më parë në fshatin Pobrat. Gjithçka mendohet se ka ndodhur pas talljeve të shokëve, të cilët i kishin thënë se ngjante si femër. “Erdhi dhe na tha se do të shkonte të mësonte , kështu që nuk qëndroi shumë me ne dhe u fut në dhomën tjetër”, ka sqaruar nëna e tij. Gazeta “Shqip” citon shokët e 18-vjeçarit Bajram Ahmati, që kanë pohuar se e kishin fyer duke i thënë “ti je si femër”, kështu që ai ishte mërzitur për këtë, por nuk u kishte shkuar në mendje se do të vetëvarej. Djali përshkruhej si djalë shumë i urtë dhe i mbyllur.