Në kuadër të zbatimit të ligjit antiduhan, Inspektorati Shtetëror Shëndetësor njofton se nga data 7 mars 2016 deri më datë 12 mars 2016 në të gjithë territorin e vendit vazhduan inspektimet për monitorimin e zbatimit të ligjit Nr. 9636 dt. 06. 11. 2006 ‘Për mbrojtjen e shëndetit nga produktet e duhanit’ i ndryshuar. Gjatë kësaj periudhe inspektorët e ISHSH kanë marrë 9 masa administrative me vlerë 300 000 lekë të reja secila ndaj subjekteve të cilat janë gjetur në shkelje të ligjit.
Në njoftimin e tij ISHSH-ja bën me dije se në Tiranë, subjektet ndaj të cilëve u morën masat ishin: Lollypop club, Lizard club, Roa, “Krem Kafe”, Bar Kafe, Top Bast sh.a, Bar Lloto.
Nga Inspektorati Shtetëror Shëndetësor, Dega Shkodër subjektet e gjobitura janë: “Kalaja” Bar Kafe, Bar Kafe A. Cekaj, “Elita” Bar Kafe.
Në Berat, nga Inspektorati Shtetëror Shëndetësor është gjobitur me 300 mijë lekë të reja subjekti “Bar Kafe”, A.Brami.
ISHSH falenderon të gjithë qytetarët për bashkëpunimin dhe përsërit thirrjen për të denoncuar çdo rast kundravajtjeje të ligjit antiduhan. / H.M/ Dita
Ne gjysmen e kafeve ne Tirane pihet duhani per qef
Farse, se lokalet nuk pyesin fare nese ka shtet e ligje apo jo! 🙁