Dy pako të dyshimta janë parë mëngjesin e sotëm pranë Capitol Hill, selia e Kongresit në Uashington, SHBA, çka vunë në alarm policinë amerikane.
Pakot e dyshimta janë, njëra në pjesën perëndimore të rrugës atje, ndërsa tjetra pranë Bibliotekës së Kongresit Amerikan.
Kalimi në zonë është mbyllur për vizitorët, që nga Biblioteka e deri tek Gjykata Supreme, sipas Reuters. Sipas agjencisë, njëra nga pakot e dyshimta nuk ka pasur lëndë eksplozive brenda, ndërsa po punohet për të çaktivizuar pakon tjetër.
Megjithëse nuk është e qartë nëse pakoja ka në brendësi ndonjë bombë ose material shpërthyes, një dëshmitar i tha agjencisë Reuters se njësitë antieksploziv të policisë ndodhen në zonë.
Një ditë më parë, një burrë u qëllua me armë nga policia dhe mbeti i plagosur, pasi kishte armë me vete pranë qendrës së vizitorëve. Masat ekstra të sigurisë vijnë pas sulmeve në Bruksel javën e shkuar ku humbën jetën 35 persona.