‘Çmenden’ britanikët: Ja ç’ndërtojnë emigrantët rumunë me paratë tona

Në pamje të parë këto shtëpi të krijojnë idenë se je në ndonjë zonë të pasur në Los Angeles.

Por Daily Mail thotë se ato fshehin pas një sekret të errët: këto shtëpi luksoze janë të ndërtuara me paratë e përfituara nga sistemi social në Britani.

Mirësefini në Tandarei, një qytet ku shtëpitë janë ndërtuar duke përfituar nga sistemi bujar i ndihmës sociale në Britani, por edhe nga aftësia për të manipuluar këtë sistem.

Qyteti ka 12 mijë banorë, por numri i këtyre vilave është trefishuar kohët e fundit.

Të parkuara në oborret e tyre sheh makina luksoze me targa britanike.

Gazeta  shkruan se ato mund t’u përkasin gangsterëve ciganë të Rumanisë.

Lëvizja e lirë ka bërë që shumë rumunë të varfër të vërshojnë në Britani, ku jo vetëm punojnë, por edhe përfitojnë nga sistemi social.

Më shumë se 3 mijë rumunë përfitonin ndihmën sociale britanike në shkurt, bëri të ditur qeveria.