Komisioni i Ekonomisë miraton në parim pr/ligjin për faljen e detyrimeve të ish-ushtarakëve

Komisioni Parlamentar i Ekonomisë dhe Financave miratoi në parim p/ligjin për faljen e detyrimeve që kanë ish-ushtarakët në skemën e pensioneve suplementare nga rillogaritja e pensioneve.

I pranishëm në Komision ishte ministri i Mirëqenies Sociale, Blendi Klosi. P/ligji pritet të shqyrtohet të hënën e javës që vjen nen për nen, pasi deputetët e komisionit i kërkuan ministrit Klosi përmirësimin e tij, duke përfshirë edhe kategorinë tjetër të ushtarakëve të prekur.

Kryetari i Komisionit, Erion Braçe i kërkoi ministrit Klosi hartimin e një ligji kuadër, në mënyrë që të mbrohet kjo kategori, e cila tha ai, është sulmuar sistematikisht nga qeverisja e djathtë për shkak se ata nuk i votuan. “Janë 6 ligje dhe 5 vendime të Gjykatës Kushtetuese për këtë kategori, Të hartohet një ligj i qëndrueshëm që mborn këtë kategori nga sulmet politike”, tha Bra]e

Ministri Klosi vuri në dukje se qëllimi i këtij projektligji është t’i japë zgjidhje problematikës shumëvjeçare të kategorisë së ish-ushtarakëve, e shkaktuar si pasojë e një kuadri ligjor jo të qëndrueshëm, i kundërshtuar që në fillimet e hartimit të tij dhe në vazhdimësi nga kjo kategori, si dhe i gjykuar dhe rrëzuar disa herë nga Gjykata Kushtetuese.

Zgjidhja e propozuar sipas këtij projektligji, tha Klosi, është falja e detyrimeve të ish-ushtarakëve që kanë rezultuar debitorë si pasojë e efekteve prapavepruese të rillogaritjes së pensioneve në zbatim të ligjit të vitit 2010, si dhe të periudhës së gjatë të nxjerrjes dhe përpunimit të dokumentacionit mbi pagën mesatare referuese dhe periudhën e shërbimit.

Opozita e cila megjithëse u shpreh në mbështetje të ndryshimeve të propozuara nga qeveria parimisht, e quajti elektoral p/ligjin, nisur nga fakti se ky p/ligj vjen një vit para zgjedhjeve të përgjithshme.