Në vitin 2009 i kishte shpëtuar arrestimit, duke u larguar nga Italia, por sot gjatë kthimit të tij pas 6 vitesh në shtetin fqinj, policia kufitare e Barit ka ndaluar shqiptarin 48-vjeçar, me iniciale B.A.
Ai bënte pjesë e një bandë që shfrytëzonte gra shqiptare për qëllim prostitucionin, në zonat e Molise-s dhe Puglia-s.
Operacioni i koduar “Afërdita” në atë kohë, çoi në zbulimin e një rrjeti prej 25 personash, ndër të cilët dhe shqiptari.
Gjykata e Lucerës, i kishte dhënë atij urdhërin e “arrest shtëpie” për favorizim në krim, me qëllim shfrytëzimin e prostitucionit. Më pas ai kishte mundur të largohet nga Italia, duke menduar se i kishte shpëtuar drejtësisë.
Në momentin që 48-vjeçari është kthyer në Itali dhe është ndaluar nga policia, ai është ndjerë keq, por kjo nuk e ka evituar që për të hapen dyert e burgut.