Dërguar me Email
Në adresën e redaksisë
E nderuara redaksi Dita! Më bie rasti të jem shpesh në Lezhë. Bisedat rrotullohen rreth ligjit për reformën në drejtësi, për rezistencën e kundërt të PD-së. Dihet se në PD ka me të vërtetë demokratë që në gjuhën popullore quhen njerëz të drejtë, por nuk po ua dëgjojmë zërin. Për ligj kanë nevojë të gjithë dhe si të tillë asnjë nuk duhet të rrijë në heshtje. E keqja siç duket ka qenë dhe është tek udhëheqja qendrore e PD-së të cilës i prishen interesat e saj politike dhe ekonomike. Populli thotë se nuk ka qorr që nuk do sy, e ndaj pritet që ky ligj të miratohet me çdo kusht, sepse është në shërbim të të gjithëve, me përjashtim të atyre që kanë kryer krime e kryesisht dy B-ve të cilët janë të parët viktima të këtij ligji.