Në një publikim të Eurostat rezulton se Shqipëria është vendi i parafundit në Europë sa i përket çmimeve të investimeve, e ndjekur nga Maqedonia në vendin e fundit.
Studimi ndahet në dy klasifikime të posaçme, ku i pari i referohet pajisjeve dhe makinerive, dhe i dyti ndërtimit si dhe çmimit të banesave.
Një tjetër e dhënë tregon se Turqia, Bosnja, Maqedonia, Shqipëria, Rumania dhe Serbia kanë çmimet më të ulëta në total sa i përket investimeve.
Në këtë klasifikim Shqipëria renditet në vendin e fundit së bashku me Maqedoninë me një normë indeksimi pranë 56 pikëve. Sa i përket çmimit të pajisjeve dhe makinerive të ndryshme, Shqipëria ka një normë indeksimi pranë 95 pikëve, po aq sa Greqia, duke qënë në pozita jo shumë të favorshme.
Sa i përket investimeve në ndërtim ndërkohë, Shqipëria renditet ndër vendet më të lira ndër 37tëshen europiane, ose më saktë në vendin e 34të dhe është 50% më e lirë në këtë drejtim në krahasim me mesataren europiane, së bashku me Turqinë, Maqedoninë, Bosnjen, Serbinë dhe Rumaninë.
Në rang unioni, Suedia është vendi më i shtrenjtë europian sa i përket ndërtimit, për të gjitha kategoritë. Zvicra mban sërish vendin e parë në renditjen e përgjithshme.
Sa i përket çmimit të banesave rezidenciale Shqipëria është vendi më i lirë në absolut.
po ehe Verdi ma i masakruar nia aspekti arkitektural,po asnje vizion