Firma e konsulencës “Mercer” ka përpiluar një klasifikim mbi qytetet më të shtrenjtë për të jetuar për të huajt.
Klasifikimi kishte qëllim t’u shërbente kompanive për të llogaritur koston e punëtorëve të tyre jashtë vendit.
Ai ka analizuar kostot e jetesës për 200 kategori në 209 vende në të gjithë botën, përfshirë akomodimin, transportin, ushqimin, veshjen dhe argëtimin.
Hong Kongu është renditur më i shtrenjti duke lënë pas kryeqytetin e Angolës, Luandën.
Luanda, që mbante vendin e parë prej shumë vitesh, e lëshoi atë për shkak të dobësimit të valutës vendëse.
Cyrihu dhe Singapori renditen respektivisht në vend të tretë dhe të katërt, ndërkohë që Tokio është ngjitur në vendin e pestë.
Qyteti i Kinshasas është renditur i gjashti, duke u futur në top 10-ën e këtij klasifikimi për herë të parë dhe pasohen nga Shangai, Gjeneva, N’Djamena dhe Pekini.