Për Kushtetutën dhe Reformën e bllokuar

Për reformë që sot kemi,
Kushtetuta është një pritë,
në demokraci ne jemi,
një vend fare pa traditë.

Me shumicën absolute,
s’kemi gjë në terezi,
në zhvillim të kësaj “lufte”,
Sovrani s’ka hiç fuqi!

S’ka njeri që s’e shikon,
dhe në rastet deçizive,
Kushtetuta çimenton,
interesat e partive!

Për reformën e bllokuar,
nga pakica me kusarë,
një rrugëdalje për më tutje,
Ligji s’e ka paraparë!

Ka shpikur frena pa fund,
ai që Ligjin ka shkruar,
nga vendim-marrja e madhe,
populli është përjashtuar.

“Referendum” themi sot,
por kemi rënë në grep,
se ai s’zhvillohet dot,
kur Kuvendi lejen s’jep!

Kot Lulashi s’bën ham-hum,
edhe me gjithë Botën kruhet,
se dhe për Referendum,
shumicë absolute duhet!

Ligji i jep mundësi,
çdo reformë të pengojë,
dhe e ndihmon përsëri,
që në popull të mos shkojë!

Ligjin mirë ja kanë lexuar,
ndaj s’tërhiqet trimi Lul,
se Kushtetuta që kemi,
maxhorancën e bën nul!

Kushtetuta ka shumë frena,
dhe në zgjidhjet është shteruse,
sot fuqinë e vërtetë,
e ka pakica bllokuse!

Vendin vetë e ka bllokuar,
Kushtetuta shqiptare,
ndaj të gjitha “kompromiset”,
përfundojnë në pazare!

Dihet që Kuvendi ynë,
është i pacivilizuar,
ndaj shumica absolute,
është një rrezik i shtuar!

Kompromisi kurdoherë,
drejtësinë e cenon,
se në kompromis i madhi,
gjithmonë diçka lëshon!

Kushtetuta ka shumë frena,
sa gjithë vendin ka stopuar,
dhe mungojnë mekanizmat,
“makinën” për ta zhbllokuar!

Ligji e pengon Sovranin,
të bëjë ligjet kryesore,
ndaj dhe them-kjo Kushtetutë,
është antipopullore!

Kuvendi do funksiononte,
vetëm me shumicë të thjeshtë,
dhe vit për vit nuk do shkonte,
me dy provime në vjeshtë!

Edhe me shumicë dërrmuese,
ligji zgjidhje mund të gjejë,
formula e Presidentit,
për të gjithë mund të vlejë!

Që vulën të moj e vejë,
gjithnjë pakica bllokuse,
kjo formulë mund të vlejë,
dhe për Ligjet Kushtetuse!

Reforma në drejtësi,
nuk ka gjasa të kalojë,
në 21 Korrik,
opozita do bllokojë.

Opozita s’humbet gjë,
kusuret i kemi ne,
ndaj dhe na duhet tani,
një Kushtetutë krejt e re.

Që politika mos rrijë,
gjithnjë me frena në dorë,
ligjet që s’bën dot Kuvendi,
t’i bëjë fronti popullor.

Nuk jam unë juristi i thekur,
por jap mendimet e mia,
duhet Kushtetutë e re,
të zhvillohet Shqipëria!