Një lajm i mirë për uljen e papunësisë

Një lajm i mirë vjen për uljen e papunësisë, edhe në tremujorin e parë të vitit 2016.

Sipas INSTAT numri i punëkërkuesve të papunë të regjistruar në tremujorin e parë 2016 është 4,3 % më i ulët se sa në të njëjtin tremujor të vitit pararendës.

Në krahasim me tremujorin e katërt 2015, ky tregues shënon ulje me 6,2%.

Këtë fakt e ka evidentuar edhe ministri i Financave me një postim në Facebook.

Arben Ahmetaj shkruan se ky është një lajm i mirë, por ngelet ende shumë për të bërë për të ruajtur trendin pozitiv të rritjes së punësimit.

“Ekonomia shqiptare konsolidohet dita-ditës, reflektuar në shifra tejet inkurajuese duke shpërblyer sakrificën që qytetarët shqiptarë kanë bërë në tre vjet, për shkak të reformave të vështira, por të domosdoshme në ekonomi.

Një lajm i mire vjen për uljen e papunësisë, edhe në tremujorin e parë të vitit 2016. Numri i punëkërkuesve të papunë të regjistruar në tremujorin e parë 2016 është 4,3 % më i ulët se sa në të njëjtin tremujor të vitit pararendës. Në krahasim me tremujorin e katërt 2015, ky tregues shënon ulje me 6,2%, raporton INSTAT.

Sigurisht që sfida është aty dhe ne kemi ende shumë për të bërë për të ruajtur trendin pozitiv të rritjes së punësimit edhe në tremujorët që vijnë”, shkruan Ahmetaj.