Mbretëresha e Holandës, Beatrix, lë fronin. Ajo ka dhënë sot zyrtarisht dorëheqjen, duke ia kaluar mbretërinë djalit të saj, Willem-Alexander. Beatrix është 75vjeçe dhe ka shërbyer për 33 vjet si mbretëreshë e Holandës.
Pasuesi i saj, Alexander, do të jetë mbreti i parë i Holandës qysh në vitin 1890. Ceremonia e largimit nga froni i mbretëreshës Beatrix është mbajtur në pallatin mbretëror, ku kanë marrë pjesë rreth 2 000 zyrtarë të lartë, mes tyre edhe krerë shtetesh.