Shqiptarët vijojnë që të sorollaten në linjat e transportit ajror.
Një avion i linjës së transportit ajror, “Austrian Airlines” që duhet të vinte dje në orën 11.50 ka anuluar fluturimin.
Kjo ka shkaktuar një kaos, pasi pasagjerëve nuk u është dhënë asnjë shpjegim dhe janë lënë gjithë natën në aeroport.
Jo vetëm kaq, por qytetarët bëjnë të ditur se asnjë punonjës i kompanisë ende nuk u ka dhënë asnjë informacion se kur do të kthehen.
Ky nuk është rasti i parë që kompanitë ajrore shkaktojnë të tilla probleme, ndërkohë që nuk ka pasur asnjë reagim nga institucionet shtetërore.