Një person i pa identifikuar dyshohet se mbrëmjen e sotme i ka vjedhur mjetin tip “ML” dhe ka plagosur lehtë në këmbë me armë zjarri, drejtuesin e tij, me iniciale Th. N.
Ngjarja ndodhi poshtë digës së Liqenit Artificial, afër hotel “Dinastia”.
Drejtuesi i mjetit është dërguar drejt spitalit dhe ndodhet jashtë rrezikut për jetën.
Policia ka mbërritur në vendngjarje dhe po punon për identifikimin dhe kapjen e autorit.
Ndërkohë janë ngritur pika kontrolli, si dhe janë njoftuar edhe policitë e qyteteve të Durrësit, Lezhës e Krujës, me qëllim ngritjen e pikave të kontrollit, për kapjen e autorit.