Një vajzë 9 vjeçare, e cila ishte dëshmitare e masakrës në ditën e lirisë në Nice, ka rikrijuar aktin barbar përmes një vizatimi prekës.
Vogëlushja po shijonte fishekzjarret me xhaxhain e saj në Promenade des Anglais kur luftëtari i ISIS, Mohamed Lahouajej Bouhlel, sulmoi turmën me kamion.
Në qendër të ilustrimit është kamioni që 31 vjeçari përdori për të vrarë njerëzit e pafajshëm, si dhe një mama e cila shtyn një karrocë fëmijësh para tij.
Përveç turmës që “shtypet”, vizatimi gjithashtu tregon disa policë të cilët tentojnë të ndalojnë kamionin dhe qëllojnë drejt autorit të ngjarjes.
Vajza, e cila krijoi “tablon” e ngjarjes, një fotografi e cila më pas u postua në Twitter nga gazetari i iTele, Florent Pfeiffer, tha se piktura e bëri të ndjehej më mirë në lidhje me ngjarjen e tmerrshme.
