Ministrja e Integrimit Europian znj. Klajda Gjosha takon Ambasadorin Polak në Tiranë, z. Marek Jeziorski
Ministrja e Integrimit Europian, Klajda Gjosha zhvilloi një takim me Ambasadorin Polak në Tiranë, Marek Jeziorski.
Ministrja Gjosha e falenderoi ambasadorin për mbështetjen që Polonia i ka dhënë Shqipërisë në rrugën e saj drejt Bashkimit Europian.
Gjatë bashkëbisedimit me ambasadorin Jeziorski, Ministrja Gjosha theksoi se qytetarët shqiptarë e meritojnë të ecin përpara në procesin e integrimit dhe shprehu angazhimin e plotë dhe vendosmërinë e qeverisë shqiptare për të avancuar në projektin Europian.
“Miratimi i reformës në drejtësi dhe ligjit të vettingut i hapin rrugë çeljes së negociatave me BE duke avancuar me procesin e integrimit të vendit. Shqipëria meriton të ecë përpara, më pranë europës së bashkuar”, tha Ministrja Gjosha
Ambasadori Jeziorski shprehu mbështetje e Polonisë për politikën e zgjerimit në unionin europian dhe vlerësoi punën e autoriteteve shqiptare.