Berisha: Mirënjohje Janullatosit për ndihmën ndaj shqiptarëve

Kryeministri Berisha ka uruar sot besimtarët ortodoksë për festën e Pashkëve. Pas një vizite në Kishën Autoqefale Shqiptare, në një prononcim për mediat, Berisha vlerësoi figurën e kryepeshkopit Janullatos. “Ditë e shenjtë e besimtarëve të krishterë ortodoksë. Besimtarë që admirojnë e nderojnë përjetësinë, shpresën, besimin të ardhmen. Është një rast i veçantë për mua që t’i shpreh edhe një herë hirësisë së tij, Janullatos, mirënjohjen më të thellë dhe nderimin më të madh për punën e madhe që ka bërë në ringjalljen e Kishës Ortodokse Shqiptare dhe jo vetëm kaq, por edhe përkushtimin e madh për të ndihmuar shqiptarët në këtë periudhë në të gjitha aspektet. Edhe njëherë gëzuar. Dua të theksoj një moment unik që përjetova kur nunci apostolik i dorëzoi hirësisë së tij Janullatos mesazhin personal të atit të shenjtë, Papës Francesku I, si një akt madhor e vlerësim për punën e shkëlqyer që ka bërë hirësi a e tij në krye të Kishës Autoqefale Shqiptare. Shqiptarëve kudo që janë, gëzuar Pashkët”.